السيرة النبوية باللهجة العامية الحلقة ( 10 )

#الحلقه ( 10 ) 

يلا صلوا على النبى 
#شير_تؤجر_معنا 
المره اللى فاتت كنا مع النبى صلى الله عليه و سلم و هوه رايح يقعد مع قومه تحت ظل الشجرة عشان ياكل.. لكن لقى مفيش مكان :(فالنبى أضطر يقعد فى الحته اللى فيها شمس لوحده فحصل شئ عجيب أوي أوي ..
ظل الشجره مال عليه :') ♡..
فصرخ بحيرة وقالهم : انظروا أيها الناس أما تعقلون! ، انظروا إلى ظل الشجرة قد مال عليه
فسأل بَحيرَه : أين والد هذا الولد ؟
فقال أبو طالب : أنا ..فقال : من أنت؟
قال : أنا أبوه ..قال بَحيرَه : أنت تكذب.. فقال أبو طالب : أنا عمه
فقال: الآن صدقت...وبعدين بحيرة قال: أين أبوه؟ ..فقال ابو طالب: بمكة ( ابو طالب مش عايز يقوله أن ابوه ميت)
فبحيرَة قاله: أنت تكذب، ما ينبغى لأبوه أن يكون حيآ..فسكت أبو طالب وقال : ابوه مات.
فبحيره قال : الآن صدقت ..
فأبو طالب قاله : ماذا تريد يا بَحيرَة ؟ فقال : يا أبا طالب صدقني هذا نبي آخر الزمان ، أين تذهب به ؟ قال : إلى الشام.. قال بَحيرَة : أقسمت عليك لا تذهب به إلى الشام فهُناك يهود أخاف إذا رأوه يقتلوه.
فقال ابو طالب : لمَاذا..؟
قال: يعرفونه في كتبهم.. (فعلا ربنا عزوجل أخبرنا عنهم فى القران وقال : "الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءَهُمْ وَإِنَّ فَرِيقًا مِّنْهُمْ لَيَكْتُمُونَ الْحَقَّ وَهُمْ يَعْلَمُون * َالْحَقُّ مِن رَّبِّكَ فَلَا تَكُونَنَّ مِنَ الْمُمْتَرِين"
فأبوطالب مش مصدق. فبحيرَة قاله : أقسمت عليك لا تذهب به.. لا تذهب.
طب يا ترى أبو طالب أقتنع؟ يا ترى أثر فيه كلام الراهب بحيرة
وفضل بحيرة يقنع أبو طالب أن بلاش ياخد محمد صلى الله عليه و سلم للشام عشان خايف اليهود يقتلوه.. وبعد محاولات كتير من بحيرة.. خاف ابو طالب وقال خلاص مش هاخد محمد معايا للشام ..
وبسرعه بَحيرَة راح للنبي ﷺ وقاله : يا بني لا تذهب إلى الشام ، أقسمت عليك باللات والعزى تفتكروا النبي ﷺ وهو يدوب عنده 12 سنه يقول لبحيره إيه؟ ! قال: ما عبدتهما لأُقسم بهما :) ♡، فأتأكد بحيرة أكتر وأكتر ان فعلا محمدﷺ نبى أخر الزمان
وأبو طالب عم محمدﷺ جاب جمل و جاب حراس وجهز ترتيبات الرجوع وقالهم : ارجعوا بمحمد ﷺ لمكة وأنا هكمل الطريق مع القافله
وعلى فكرة بَحيرَة كمان أتأكد ان محمد هو نبى آخر زمان من علامه تانيه..هيه إيه ؟ خاتم النبوة (يعنى ختم النبوة) ، خاتم النبوة ده موجود عند كل الأنبياء
(الخاتم ده بيبقى فى ظهر النبى ومكانه بيبقى قريب من الكتف و هو عبارة عن لحمه "ناتئه".. يعني دايرة لحم بارز شويه عن الجسم حواليها دايرة من شعرات قصيرة وطولها واحد ..والدايرة مظبوطة جدا كأن حد ناحتها وكانت عند كل الأنبياء.. وكل أهل الكتاب عارفين ده..
*أقولكم قصه جميلة عن خاتم النبوة ..خاتم النبوة ده من كتر ما أهل الكتاب عارفينه فكان في صحابي جميل اسمه سلمان الفارسيّ كان مجوسي وبعدين يهودي وبعدين نصراني وبعدين قرا فى التوراه والإنجيل (القديم اللى مش متحرف كلامه) إن نبي أخر الزمان عنده خاتم النبوة في منطقه الكتف ،
فسلمان طبعا قبل ما يسلم كان نفسه يتأكد من الكلام ده.. فوصل المدينة وفضل يسأل فين محمد؟ فقالوله عليه و بعد ما وصل سلمان للنبى ﷺ ، فالنبى ﷺ لقى سلمان جي ناحيته من بعيد و كان واضح إنه مش من أهل البلد و حس أن شكله كده عايز يدخل في الإسلام..
فسلمان جه و وقف قدام النبي وفضل مركز مع النبى ﷺ. و بئه يجيب راسه يمين و شمال..نفسه يقدر يلمح حاجة من تحت ثوب النبى ويتأكد ان الختم النبوى موجود على كتفه الشريف..
لكن النبى ﷺ بئه فهم، فحب يهزر معاه ;-) . فسلمان و النبى ﷺ قدام بعض، فسلمان يجيب راسه يمين كده ، يقوم النبي ﷺ يجيله يمين كده ..وبعدين سلمان يجيله كده فيقوم النبى ﷺ يجيله كده، فضحك النبي صلى الله عليه وسلم
وبعدين قاله : تعالى يا سلمان وكشف عن كتفه فسلمان في نفس اللحظة قال : أشهد أن لا إله إلا الله وأشهد أن محمد رسول الله
وسلمان على فكرة كان جميل و طيب. و يوم ما أسلم ،الصحابة كانوا عايزين يكرموه فقال الأنصار " دول أهل المدينه ": سلمان منّا أنصاريّ .. راح المهاجرين "دول اهل مكه اللى هاجروا مع النبى ﷺ" قالوا : سلمان منّا مهاجري ّ
فوقف النبي ﷺ وقال : لا والله سلمان ليس بأنصاريّ وليس بمهاجريّ ، سلمان منا آل البيت .. تخيلوا الجمال :') !!
و ده حصل عشان سلمان ميحسش بالغربه وهنعرف قصته كلها بس لما الاحداث تجرى بينا
ونرجع سوا للسيره إن شاء الله
نكمل بكرة ان شاء الله