السيرة النبوية باللهجة العامية الحلقة (6)

#الحلقه ( 6 )

يلا صلوا على النبى 

ميلاد الحبيب ❤
#شير_في_الخير 
نختم حديث هند بن أبى هالة بقى فى وصف الرسول لسيدنا الحسن بن على لما كبر فبيقول...
وكان شعره أسود من الليل وكان ناعم جدا وأوقات يصل شعره تحت أذنه وأوقات إلى الكتف وأغلب الأحيان فى منتصف الظهر وكان يضعه خلف أذنيه إذا فرق عقيقته فرق (يعنى لما بيده كده يفرق شعره يثبت شعره ميرجعش تانى) وكأن شعره طوعاً له وكانت رقبته طويلة كأنها جيد دُمية وكانت ساقيه كأنهما اسطوانتي فضة وكان سواء الصدر والبطن (معندهوش كرش) وكان بادر متماسك (معندهوش ترهلات) وكان إذا مشى كأنما ينحط من صبب (كأنه نصه اللي فوق مسابق نصه اللي تحت وهو ماشى) يقول الراوي: ما رأيت أجمل منه ولا رأيت أحسن منه صلى الله عليه وسلم...

تقول آمنة (مامته): ما حملت حملا كان أخف عليّ منه ولا أيسر عليّ منه ورأيت حين حملت به (يعني شافت في المنام اثناء حملها بالنبي ﷺ) نورآ يخرج منى ،أضاءت منه قصور بُصرى فى الشام...ولم يقع كما يقع الصبيان .. وقع معتدلا جالس واضعا كفيه إلى الأرض رافعا وجهه إلى السماء ...وكان الصِّبيانُ يُصبِحون رُمْصًا شُعْثًا (شعرهم منعكش)، ويُصبِح محمدٌ دَهِينًا كَحِيلً..

أول واحده كان ليها الشرف فى ضم النبى أجمل مخلوق صلى الله عليه وسلم هى أم أيمن وأسمها الحقيقى "بركه الحبشيه "مربيه النبى صلى الله عليه و سلم..
و عشان كده كانت من أكتر النساء أرتباطآ بالنبى ﷺ.بركه كانت جاريه عند عبد الله أبو النبى عليه الصلاه والسلام وبعد وفاه عبد الله فضلت بركه تخدم آمنه ..

جه عبد المطلب جد النبى صلى الله عليه وسلم و شاف أجمل مخلوق بين يديه .. كان مولود يأخد العين من الجمال ♡. فيحضنه عبد المطلب و يضمه لصدره ويأخده ويطوف بيه حوالين الكعبه ويدخل جوف الكعبه ويرفع إيده و يحمد ربنا لأنه عارف ان فيه رب لكن يعتقد وجود آلهة كتير تانيه معاه وهى الأصنام فكان عبد المطلب مشرك لكن مش ملحد ..

فيخرج بيه من جوف الكعبه ويطوف بيه مرة كمان ويبص للسماء ويقول يارب سأسميه محمد ♡ وكان أسم جديد على العرب مش متعودين عليه ويرجع لآمنه ويقول لها : سميته محمد.. فتقول ..ليه ؟ فيقول: ليحمده أهل الأرض ويحمده أهل السماء ♡ :') ..
ويفضل المولود ده مع أمه آمنه ولكن بتحصل مشكله ..آمنه مش قادره ترضعه. طب ليه ؟..لأن آمنه كان عندها وباء.. من يوم وفاه جوزها عبد الله بن عبد المطلب و هيه مريضه
وكانت مكه مليانه أوبئه وأخدت قريش عاده أن أى رضيع يتولد فى الكام سنه اللى فيهم وباء..بتيجى قبيله لمكه أسمها بنى سعد فيها مرضعات بالأجر، كل مرضعه بتاخد طفل بره مكه..بعيد عن الوباء ويكون ده لمده سنتين وتاخد أجر عليه وبعد ما تفطم الولد، بترجعه لأهله وتاخد مبلغ تانى بعد ما تسلم الولد ليهم.
وبعد أيام من ميلاد النبى ﷺجت قبيله بنى سعد و كانت من بينهم حليمه السعديه نسبه لبنى سعد وهيه فعلا هيسعدها ربنا عز وجل بشرف إرضاع النبى ﷺ..وصلت القبيله لمكه وكل مرضعه بدأت تاخد طفل.. وكانت المرضعه الشاطره هيه اللى تلحق تاخد ولد أهله أغنيااا ..

وأخر وحده وصلت كانت حليمه لأنها كانت فقيره وكانت بتركب على "أثنى حمار" ضعيف و بطئ جدا فوصلت متأخر لمكه .. حليمه بتقول أنها بمجرد ما وصلت لاقت كل واحده من أصاحبها خدت رضيع.. ومتبقاش إلا طفل واحد! و هو النبى ﷺ...
و أن محمد ﷺ أتعرض على كل المرضعات ومفيش ولا واحده رضيت تاخده ..يا ترى ليه ؟
لأن محمد يتيم .. كل مرضعة قالت هعمل إيه بولد يتيم.. مش هينفعنى..لأن إللي بيكرم المرضعة أبو الرضيع.. بيدينى فلوس أكتر عشان أخد بالى من ابنه أكتر.. طب جده هيهتم أنه يدينى زيادة! ولا هيدينى الأجر وبس؟..فرفضت المرضعات أنها تأخد النبي.. وحليمة لاقت أن متبقاش غير محمد... فقالت هعمل إيه بيتيم عبد المطلب.. فرجعت لزوجها وقالت له: دلوقتى كل واحدة من صحابي خدت رضيع و أنا مش حابة أرجع بينهم من غير رضيع.. أعمل إيه؟ أخد يتيم عبد المطلب؟ فجوزها قالها: خديه لعل ربنا يجعل فيه بركة..
وفعلاً حليمة خدت النبي عليه الصلاة والسلام.. وبتقول أني بمجرد إني ضميت محمد لصدري إتملى صدري باللبن.. معرفش إزاي.. و مكنش أصلاً عندي نقطة لبن بسبب الفقر و قلة الأكل.. وفضل محمد يرضع و يرضع .. كان جعان أوي.. و أنا مش عارفة منين كل اللبن ده.. وكمان حليمة بتقول "إن من حبي لمحمد وضعته على ثدي الآخر لكي يكمل رضعته" لكن رفض النبي إنه يرضع.. وفضلت أحاول معاه تانى فبدأ يبعد ويدور وشه عني ومش راضي يرضع.. طب ياترى ليه ؟

هنعرف سوا بكرة إن شاء الله